Hakebeken Sarita Bagian Kaije

Bagian kaije

Cinta te sama kilau liyu je limbah andau ujan te, awi dia uras ujan je tau mampalampang liyu.
Rancak ujan labat baya nampa banjir lelep kare karatak tuntang lewu huma itah, rancak manyusah itah ih lo?
Mahi je kilau aku belum melai pasah toh kicuh amun jadi nata ujan manggau hila eka ngarekut.
Tapi itah di nahiu jite aku handak bakesah melai hetuh akan anak esu kuh je kanjera dungil-dungil lagi kabangang.
Wajar ih badungil asal tatap bingat dengan peteh oloh bakas, ela kea je baya bingat tapi gawi sapire je kaolih manggawi.
Gawi amun arep sala gawi je rugi dia kare oloh beken arep kabuat kea je rugi gawi arep kabuat.
Baya oloh bakas kana gita ih amun jadi taluh papa tapi jitelah resiko itah jadi oloh bakas.

Soal cinta puna manggoda tutu akan kalunen khusus akan je tabela kanjera hamberang kilau bua Lepu bahut dia lalau olih kana gutil leket gatel laka penang.
En nah je bakas dia kalute kea?
Tege kea je dia tege kea je sasar tada jite tagantung kalune ih hindai.
Kilau kuan lagu nah 'hidup tanpa cinta bagai taman tak berbunga' mungkin buah auh akan pahining tapi dia pas akan panyeneh bue je dengen-dengen Bahuang jadi.
Gawi itah belom hoang kalunen toh gawi tege cinta jadi, amun jatun cinta jelas jadi lepah munat jaman huran kalunen bara pambelom toh gawi jatun cinta je mawi hapa kalunen batahan belom.
Jelas bue toh sasar ngalilu beken je nahiu beken je mander beken je ngesah beken je sana.
Jite sesuai dengan jaman gawi jaman toh sasar ngalilu kea jadi wajar ih amun kalunen are je ngalilu kea, terutama masalah janji are je ngalilu masalah jite.
Maklum ih gawi are parusik wayah toh mawi hayal bangang sampai dia bingat kuman, dia maksudku te janji.

Amun jadi munduk naharep oloh bawi hasep roko maksudku rayuan pulau kelapa je jadi lagu wajib akan padang himba, tiwas amun dia hapal lagu.
Tapi aku yakin ewen esuku uras tau manyanyi, rayu-rayu sinde auh sampai manangis uluh bawi gawi mukul indu hapa tetek uwei.
Jete baya istilah oloh helu hapa hureh, gawi hureh te tatamba akan awet muda kuangku je jadi ngalilu toh.

"Jatun ati kata mikeh huang kamus bahasa Indonesia nah ndi" kuangkuh mambujuk bawi te.

"Tapi kuan Hatalla amun gawi je kute nah dosa nah ka" kabuah auh tumbah te.

"Amun kute kareh kaka nanggung dosam ndi" kuangkuh marak busau-busau kulat jadi.

"mangat ih kaka hamauh kute kalampi dengangkuh amun sampai..."

"buhen ampi kaka toh nah dia tutu-tutu cinta dengam jadi?" kuangkuh nampara kalepahan pander.

Padahal amun oloh je tutu nah maja misek akan huma taharep dengan oloh bakas te, dia je kare baduean padang benyem kaput-kaput hindai.

"Dia je kute baya aku dia maku kalutuh nah ka?" Kua.

"Tutu kea kuam ndi dia mangat melai hetuh itah gau eka beken ih" kuangkuh makat pindah akan eka je aman.

"Agah aku akan huma ih ka" kua hindai dengangkuh.

Puna dia kea aku je mamaksa belai gawi amun maksa dia mangat aluh masakan je kilen katamam.

Mungkin amun uluh mahining arah pander te akan gawi je sala, tapi ela sala helo gawi je mikir sinde toh sala.
Gawi aku baya handak mimbit iye kawin bujur buah tuntang hubah keyakinan jitelah jadi masalah je naharep ikey due metuh te.

"Amun je kutuh kue kea je rugi nah ndi" kuangkuh hamauh denga jadi sampai huma.

"Justru jite nah aku imbit kaka umba aku" kua tumbah.

"Iyoh bey aku umba ikau gawi ikau nikeh ampi gitangkuh kabuatmuh tame Naraka kareh" kuuangh ihat manggau karahas, tapi sayang iye patuh jadi dengangkuh dia maku rahas hindai.

"Janjilah ka" kua mawi aku padahal aku.
Padahal paling kajilek je bajanji te tapi janji te lah je paling karajin oloh bawi aluh janji te palsu amun jadi cinta te tatap sanang ih ampi metuh te.

"Yu ka janji lo ikau maku umba aku?" Kua jajuan maksa aku bajanji kea.

"Tapi.." kuangkuh

"Jatunti tapi hindai rugi kue amun hapa jite" kua manetek panderkuh mawi aku benyem suni gawi sinde te tikas nanjaru ih jalan mangat salamat.

"Yoh! yoh!" kuangkuh denga hindai.

"Yoh narai helo!?" Kua baruek manggau karahaskuh ampi.

"Bajanji nah yoh!" kuangkuh kilau anak olohan angatkuh gawi sinde te.

"Janji narai!?" Kua hindai mawi aku puna jadi anak awao ih aku gawi imbit balajar bapander kutuh.

"Bajanji kawin dengam nah tuntang umba ikau kea!" kuangkuh angat je sama maling mangaku kasala tapi dia oloh pacaya.

"Dia lalau jelas ka! Coba munduk hetuh mikeh-mikeh ampim kilau aku je mamangkit ikau" kua dengangkuh.

"Dia aku mikeh aku ikau memperkosa aku kareh" kuangkuh marapus akae.

"Lecak muh kau eweh je handak perkosa ikau mikeh ikau ih je handak kalute" kua balalu manalih mangutip aku balalu munduk melai balikatku.

Jurus tipuan uras je hapa puna labih bahap ampi tampayah tuntang melai pahining je ara jurus tipuan te.

"Ije jurus jadi kana iye"
kuangkuh bapikir dia mesti hoang gerakan silat bewey tege jurus hong pambelom labih penting hindai jurus-jurus te, gawi sahelo bara biti hagarak jurus jadi tege helo hong pikiran arep iye dia!?
Tapi aku puna dia tau kalahi keleh are kawal bara are musuh, lime ribu kawal masih hindai sukup akangkuh tapi ije musuh jadi lalau kakare kameangku jadi.

"Takan bey helo" kuangku denga hindai.

"Helu narai ka?' Kua bingung gawi sampet benyem ikey due.

"Maka ikau manukep aku jelas handak mamperkosa aku lo? Amun ikau dia maku aku barangai kareh jewukah mamperkosa ikau manunggu penjara puang" kuangkuh manggau pander denga.

"Yeeeiii... dia puji aku pahuru kalunen je belai-belai" kua mambaka aku.

"Ikau herah je belai-belai aku nah dia! gitam aku jadi mangeju punduk bara ikau tapi ikau je manukep aku" kuangkuh dia maku kalah aluh dengan pacar kabuat.

"Iyoh mangejau ih aku ara dengam kareh nyangkam aku je belai-belai hindai. Handak mihup narai ikau ka?" Mubah pander hindai gawi kalah telak hong hete jadi.

"Narai jaka tege susu ayungku, tapi amun jatun danum leding gin tau ih mangat aku pehe kanai" kuangkuh denga.

"Tege angat je babelek akam ka" kua sambil mananjung akan dapur.

"Memang tegelah je dia babelek ndi?" kuangku ihat misek iye sambil manuntutah bara likut.

"Jatun melai hetuh melai pasar tege je babubuk. Handak akan kueh ikau?" Kua dengangkuh gawi je manuntut iye.

"Handak manggau wc aku toh nah buhen nah ngahanam aku mahit?" Kuangkuh puna manggau karahas.

"Kanih wc" kua dia maku hatatumba kamamehkuh je talanjur mameh jadi, tapi justru awi kamamehkuh aku setia denga menjaga cinta ikey due.

Nampi dia setia amun je dia bakena, tapi jitelah keistimewaan hatue je dia bekena rata-rata setia dengan pasanga.

"mahian kea angat jadi manganan belah" kuangkuh denga metuh balua bara wc sambil mamasut kanaiku.

"Buhen ka handak kumankah" kua sana ture aku je kalute iye puna harati maksudku je balau kanai te ampi.

"Amun tege bagi ampi akangku dia ati kare kasala toh sara'i poang ndi" kuangkuh maniru-niru kuan oloh je handak balaku bagian kaji lampah akae je tege dengan oloh.

"Ngaut kabuat ih bari ka jatunti pambantu melai huma toh limbah terai kuman enyau piring" kua dengangku sama kilau beken tamu jadi.

"Amun jatun pambantu kareh aku jadi pambantum mandohop ikau palepah bari balutmuh" kuangku sambil mukei sarangan bari.

"Amun ikau handak bawui tege hong mangkok te" kua hindai.

"Buhen je hakabeken eka?" Kuangkuh denga.

"Puna ihatku mandak hakabeken ih" sambil munduk nanture aku kuman.

"Akam jewu ih jite aku rajin kuman pundang behau toh ih" gawi bakulas angatku jadi mandua gawi andak hunjun lamari.

"Takkan bey ikau kuman ka, jewu ih menyau piring kau hindai aku ngantuk tutu handak tiruh hindai" kua balalu malihiaku kuman hamalem kabuatku.

"Kalampi aku buli?" Kuangku misek hindai.

"Bamalem hetuh ih dia kare aku mamperkosa ikau kea" kua mambaka aku hindai.

Mawi aku mikeh mahining je dia biasa heret kuan oloh bakas helo rajin hamauh.

Limbas kuman aku matur ekaku batiruh aku tege coba manjuju batunggang kamar puna tutu ngunci bara huang kea.

"Aman jadi" kuangkuh

Inyarita awie: S.S