Nilai Arep Tege Hong Gawin Arep

Manyapa oloh hapa kutak pander je papa jite diya iye tau mawi oloh palus jadi papa, malahan kabalika ikau baya mamapa arepmuh kabuat.
Gawi kutak pander je papa te balua bara atei tuntang pikiran ayum kabuat kea.
Tikas atei tuntang pikiran oloh je papa je tau mampalua kutak basa je papa kea.
Mahina oloh diya mawi oloh te palus tahina kea malahan mawi hina akan arep kabuat ih.
Tikas atei tuntang pikiran je hina kea je tau mampalua kutak pander hayak gawi je hina kea.
Gawi kutak pander tuntang taluh gawi itah je akan manampa eweh arep itah kajaria.