Mama Gober je belom tatau sanang te katahin te gelisah tutu ie awi tege mahaga ije kabawak duit bara amas. Into kueh duit jite je tau manenga tuah rajaki akae. Gawi duit amas jite je tau hapa ngariau kare rajaki balalu are oloh mipe handak mandua bara iye te. Antara oloh je mipen handak mandua hayak je paling bahaya tutu te iyete ara Bawi Nyaring. Into kueh Bawi Nyaring te oloh je pangaji tau manyaluh arep jadi narai bewei iye mawi arep. Gawi mangkeme ancaman je ha'i kute mama Gober balalu manyewa kare satpam je tamam kea hong kota Itik te, atun laka baratus biti manjaga ngaliling gudang duit ayun mama Gober te.
Hong ije andau Donald toh mananjung dengan kawan ake Kwik, Kwek tuntang Kwak. Tanjung-tanjung ewen melai kota Itik hapa mobil maram te balalu atun tiruk pikiran Donald te handak maja gudang duit eka mama Gober. Balalu tende ewen hong saran karatak mobil tuntang balua handak manalih mama Gober oloh je paling tatau hong kota Itik te. Donald, Kwik, Kwek tuntang Kwak babaris mananjung kilau kapatuh kakare Itik bahut mawi arep. Sana sampai nanture are satpam ngaliling gudang ama Gober te, hong andau tege kea satpam hete baya dia kakare kilau te. Donald nah dia ambil pusing namture kute biasa ih akae jadi dengan mama Gober je pangkatatau hong kota te. Metuh Donald handak tame batunggang gudang duit te balalu ngampeng ewen satpam te ie.
"hambuen mawi ketun ngahana ikei handak manalih mama ikei?" Kuan Donald nanture ewen je kute.
"Are ampun maaf mama Gober ngahana mameteh jadi dengan ikei mahana oloh tame akan gudang toh" kuan ije biti Satpam te dengan Donald, balalu tende barisan gerak jalan ewen Donald te gawi.
"Tutu ih je kuan mama Gober kute baya dia kare akan anak ake kea jite nah meh. Kueh hindai aku kea je manalepon iye akan hetuh" kuan Bawi Ketik je jadi sekretaris mama Gober te balua balalu malait ewen satpam je ameh-ameh te, satpam te balalu benyem ih dia bahanyi tumbah gawi gantung Bawi Ketik keduduka into hete bara ewen.
Donald balalu tame akan hong gudang te balalu nuntut gawi kawan ake ewen nanjung baris hindai.
"Hambua je sasar are satpam melai hetoh ndi?" Kuan Donald dengan bawi Ketik je bahalap te.
"Tege masalah Nald hayak Aku mikeh dengan mamam gawi jadi ije minggu toh ie diya maku balua bara kamar jadi" kuan Bawi Ketik denga.
"Biasa mama je kukau gawi rugi hong proyek. Taluh je kukau puna rancak gawi tau mambenyem arep hong kamar sampai babulan bulan nah ndi" kuan Donald sambil mambuka batunggang kamar mama Gober te.
"Awas... nunggu helo" kuan Bawi Ketik dengan Donald te je mambuka batunggang te baya jadi lambat gawi ie jadi tame tuntang balalu tatame akan rumbak jabak je nampa gawi mama Gober te.
"Aduh.." kuan Donald je bajatu akan rombak te.
Mahining je kute balalu junu-junu dumah mama Gober mimbit sandapang handak manuntum ewen uras.
"Nung... nunggu bei mukulkuh KO ikau iye kareh" kuan Donald marak kaput baheda tampayah gawi hong rombak te tege jabak hindai je kip-kup manampar biti bereng.
"Narai gawi ketun je barangai tame akan hong hetuh. Isut hindai ketun handak drelkuh jadi hapa sandapang toh" kua manalih ewen.
"Puna isut ih hindai coba mama Gober nyarita akan ikei toh narai buku sabab ikau je manyewa satpam lalau kakare hayak masang jabak kanih-kate tutang mama mangurung arep handak ije minggu toh?" Kuan Bawi Ketik hamauh dengan mama Gober te. Metuh katika te Donald jadi lumpat akan hunjun laseh hindai.
"hmm... iyoh bei, aku nyarita mangat ketun katawa. Bawi Nyaring jadi tege hong kota Itik toh! Gawi jitelah aku je manyewa kare satpam tambahan! Maka bayar ewen te larang tutu!" Kuan mama Gober nyarita.
"taluh je kute dia adil akangkuh! Coba ketun mikira aku baya Itik je belom susah harus mambayar larang oloh are baya hapa malindung panataukuh je ije jituh ih" kuan mama Gober sambil mambing topless bara kasa je into hong tegr ije duit logam bara amas.
"Amun je kukau auh ma, aku endau tege haru mamili buku hong saran jalan. Judul MACAM-MACAM AMPIN SIHIR! Mungkin jituh buku tau mandohop masalah mama" kuan Donald balalu mampalua buku te bara baju.
"Aku diya mangerti ken kilen ampi cara ikau tau kuam mandohop aku hapa buku jikau" kuan Gober dengan Donald te.
"Hong hetuh tege inulis into hong India kanih tege ije biti oloh je lihai manyihir arae te ZIGZAG. Hong hetuh iye nyarita Zigzag te penyihir je paling tamam hong dunia" kuan Donald mamabasa.
"Narai hubunga dengan masalahkuh?" Kuan Gober dengan Donald hindai.
"Kutuh ma, bawi Nyaring te hebat hong ilmu sihir jadi itah harus malawa hapa oloh je tau manyihir kea" kuan Donald manjelas akae.
"Haw... tutu kea taluh je kuam kau ken jadi kilen ampi hindai kuam?" Kuan Gober dengan Donald hindai.
"Nampi ampi hindai itah haguet akan India kanih ih balaku dengan Zigzag pahelat mangat Bawi Nyaring dia handak manduan duit mama toh" kua sambil maninjuk toples eka duit amas te.
"Jituh dia barangai duit amas nah ken. Duit jituh nah je rajan duit! hapa ngariau kare duit" kuan Gober mamander akan Donald te.
"Katawangkuh ih jadi baratus kali ikau mamander kangkuh jikau nah ma. Kilen ampi kuan mama je kuangkuh endau nah?" Kuan Donald te hindai.
" tau kea, ikau tege inisiatif ampi donald! Baya sayang rencana ayum kau diya olihkuh malalus! Salama Bawi Nyaring tege melai hetoh! Aku dia maku kea malihi kota Itik toh" kuan Gober denga.
"Maka ware jadi nyewa mama satpam hapa malindung duit amas mama toh?" Kuan Donald mamprotes denga.
"Tutu ih je kute baya aku harus kea umba mangawas mangat labih bahalap hindai" kuan Gober dengan Donal te.
"Amun je kilau kukau keleh itah imbit akae ih duit amas jituh ma, kilen ampi kuan mama?" Kuan Donald asalan ih.
"Kagilam kau? Bawi Nyaring lagsung manyarang aku ih sana bukeikuh batunggang kau. Mahi aku je mimbit duit amas jituh" kuan Gober bingung kea mahaga duit ije jite.
"Amun je kute kuan mama tikas baya ije eka je aman mingkes duit jikau. Ingkes akae hong eka duit amas ayum je beken ma" kuan Donald dengan mama te.
"Tutu kea kuam kau ken" kuan Gober salawah kea ampi dinu jalan pikiran je nenga Donald te. Balalu Gober mimbit duit te akan gudang duit je batuyuk sama anak bukit kagantung te.
"Baya maksudku ma! Manggau ije kabawak duit hong tuyuk je sapuluh kubik toh labih bahali bara manggau pilus hong parak uru" kuan Donald dengan Gober te
"hebat tutu ikau ken" kuan Gober balalu mananjung hong hunjun tuyuk duit te.
"eh.. ije pisekkuh! Kilen ampi mama Gober tau supa duit jite hindai?" Kuan Kwik umba bapander kea.
"Jamen ih cu, amun akan ketun mangkin dia olih supa hindai tapi akangkuh diya. Tiap-tiap duit hetuh sama kilau kawalkuh ih! Aku katawangkuh eka tiap duit hong hetuh" kuan Gober mamander akan ewen.
"Kueh hindai aku olihkuh mambewau duit jituh bara kakejau sampai lime pal" kuan Gober hindai sambil manyingut duit te.
ⓓⓞⓝⓐⓛⓑⓔⓑⓔⓚ
Limbah jadi ingkes gawi Gober duit te balalu ewen matur jalana haguet akan India te. Matuh ewen balua bara gedung gudang duit te, diya lalau kejau bara hete hong balikat gedung je beken Bawi Nyaring mangkilik gawi Gober te.
"Takjub aku ture" kuan Kwak bapander dengan kula Kwik & Kwek.
"Itah kareh hapa pasawat ayungkuh je pangka taheta milikuh. Palungan laka due jam ih itah sampai akan India kanih" kuan Gober.
"Pas tutu sara'i ewen tulak toh aku mangat manduan duit amas jite hahaha..." kuan bawi Nyaring balalu manyaluh arep jadi ije kungan burung babilem. Iye balalu tarawang akan hunjun.
"Gober puna lagih bahalap atei. Iye mananjung basengok eka diya iye manutup" kuan burung je jelmaan bawi Nyaring te balalu tame jalan basengok te iye.
"Boh! Jatun ampi duit te hong saranga diya sala hindai toh pasti imbit ongko te hong iye. Aku harud buli helo toh manduan papas hapakuh tarawan akan India kanih" kuan burung te balalu balua bara basengok te hindai tarawang buli akan huma hindai.
ⓓⓞⓝⓐⓛⓑⓔⓑⓔⓚ
Ewen mama Gober dengan kakare biti diya mangira taluh je tau nuntut awi bawi Nyaring kalute. Metuh te ewen jadi sampai hong wilayah pegunungan Himalaya haru muhun bara kapal tarawang kea.
"Limbah bara hetuh itah paling mangat manyewa Keledai hapa mandai akan gunung! Hayak itah mamili peta tuntang buku petunjuk kea" kuan Donald dengan mama Gober te.
"Aku diya mangerti hambuen Donald sana tau manduan inisiatif kalutu" kuan Gober hamauh hong atei kabuat.
"Mana ikau ih ken kilen ampi je kahalap kuam ih" kuan Gober denga.
Balalu ewen manalih eka oloh manyewa Keledai te, tuntang balalu mili peta hayak buku petunjuk hindai. Gober, Donald, Kwik, Kwek tuntang Kwak haguet manunggang sama ije Keledai je nyewa awi mama Gober akan ewen uras.
"Aku diya perlu lalau misek gawi tanjung toh sama haterap ih" kuan hamauh hong atei sambil manunggang Keledai.
Kejau kea ewen balime te tame akan pegunungan Himalaya je lasut manyangit te ngarunum kea angat Kwak mangkeme kalasut andau je manyangit te.
"Heh! Mias kea kalasut melai hetuh" kuan hamauh dengan ewen.
"Jamen ih! Manumun buku petunjuk je mili itah toh. Hong tukep hetuh tege danau kea, itah tau mandui tende hete nyarenan helo" kuan Donald dengan ewen.
ⓓⓞⓝⓐⓛⓑⓔⓑⓔⓚ
Diya lalau kejau bara hete bawi Nyaring je manuntut ewen hapa papas tarawang te mariksa kare taluh pahata.
"Kirang kea! Aku baya mimbit ije kawak ih bomb asep sakalinya" kua ngarunum nanture taluh je imbit te tege je kurang.
"Sukur ih ampi aku diya perlu hapa taluh awang te kea ampi! Aku baya perlu muhun ngarabut duit amas jite ih ampi" kuan bawi Nyaring je manyelek ewen balime te kanjera mandui hong danau te. Metuh katika te kare baju pakaian ewen uras lekak melai tukep Keledai masing-masing.
Balalu ih bawi Nyaring te sambil mahukup manalih ije katuyuk pakaian ayun Gober te.
"Diya kanarai kamangat mandua kalutuh! Labih mangat bara nakian gula batu dengan anak olohan" kua.
Metuh jadi sampai baju jite, sakalinya baju jite lagi hukup awi Keledai.
"Tindar helo ikau aku jadi tege janji dengan duit amas te je hong kantong baju toh" kua hamauh dengan Keledai te.
"Grrr!" Kuan Keledai te rahas dengan bawi Nyaring te.
Gawi jajuan manarik baju te hayak pas hila para Keledai bawi Nyaring te mendeng. Narai ati balalu takir gawi Keledai te akae bawi Nyaring te balalu tambalang akan parak sandam kanih iye kana takir te.
"Duk!"
"Wakaaii!" Tambawai bawi Nyaring tambalang.
"Narai je kute auh?" Kuan Donald bara danau te je mahining.
"Jatun aku mahining narai-narai" kuan Gober.
"tawa ketun?" Kua hindai misek ewen telo te.
"Jatun kea" kuan ewen telo te.
"Aku mahining suara te dumah bara parak ruwut hete" kuan Donald sambil maninjuk eka bawi Nyaring je tambalang kana takir awie Keledai endau.
"Mungkin jite tau metu je basiak. Hong India toh amun diya sala tege... tege... haha... Harimau!" Kuan Donald balalu mandari keledai laju-laju malihi ewen.
"Hm! Diya humung Harimau! Tikas metu je humung ih je nyahukan into parak bajikut kute! Puna humung bara metu hindai! Ha ha ha." Kuan Gober sambil mandari Keledai ayue kea.
Melai parak ruwut te bawi Nyaring je masih kapehean nyarenan kana takir Keledai te mahining uras kare auh ewen balime te.
"Rima... aku toh oloh humung! Ikau pasti manyasal kareh Gober pcaya bei" kua haru mangat kea biti keme limbah jadi tahi kea iye manyambung jalana manuntut ewen lime te hapa papas tarawang.
"Limbah toh itah manuju akan kueh hindai?" Kuan Gober misek dengan Donald.
"Manumun hong buku toh linbah gunung jituh itah mahalau ije jambatan! Limbah te itah mangat ih hindai" kuan Donald je mambasa buku te akan petunjuk ewen.
Metuh te bawi Nyaring je manuntut ewen te mahining balalu ie ngaselo ewen tarawang akan likut gunung kanih.
"ela lalau yakin dengan taluh je tege hong buku jikau Donald! Ha ha ha" kuan bawi Nyaring je jadi ngaselo ewen te.
"Ketun harus dimpah jambatan helon" kua pas jadi nampayah jambatan hapa dimpah jurang te.
"Tuntang jite diya purah kilau taluh je kuam kau" kuan bawi Nyaring balalu mampalua kare gergaji tuntang gunting hapa mahetes tali jambatan te tuntang mangergaji kayu jambatan te.
"Kareh ketun keme bajatu akan penda kanih! Hancur tahampas batu balalu mangat ih aku manduan duit amas te hindai" kua sambil mahetes tali jambatan layang te.
"Itah sampai melai jambatan je kuam nah jadi toh ken" kuan Gober pas jadi tukep hete.
"Hah!" Kuan bawi Nyaring je mahining te ancap nyahukan bagantung hong penda jambatan te.
"Ela itah mahalau jambatan jikau!" Kuan Donald balalu patende akan Keledai ayu te.
"Buhen ken?" Kuan Gober denga.
"Manumun buku petunjuk toh itah harus mahapan jambatan je labih bahalap tege hong baun kanih eka. Jambatan je ije jituh harus hila ela sampai itah mahuru hete" kuan Donald je balalu tarus manetei saran jalab saran jurang te.
Bawi Nyaring je jadi nyahukan hong penda jambatan te sangit tutu sambil munge jembatan te. Narai atie jembatan je jadi rusak helo gawi balalu
"Kraak!"
Bapisah jambatan je jadi bagetu tali te. Untung ie batekap hong ije tali je bahalap masih dia sampai bajatu akan penda jurang te kea.
ⓓⓞⓝⓐⓛⓑⓔⓑⓔⓚ
Itah haluli akan ewen balime je balang mahuru jambatan jite endau.
"Amun kute keleh itah jalan tarus ih! Keleh itah salamat bara itah sengsara! Iye dia?" Kuan Kwek dengan ewen.
"Tutu kuam Kwek! Keleh itah lambat asal salamat" kuan Kwak tumbah kua.
"Coba ketun ture! Aku bahanyi taruhan pasti je kanih oloh je ara Zigzag te!" Kuan Gober je nanture oloh hong dipah silan jambatan layang je bara beton te.
Balalu Gober palaju pandari Keledai akan dimpah jembatan te.
"Oh bue! Dohop aku bue! Ngejau akangkuh bawi Nyaring! Ie penyihir je jahat jadi banyelo-nyelo toh iye mangaraen aku tarus" kuan Gober manalih oloh bakas je hajanggut baputi panjang sampai nangkalau puser jadi te je kanjera mampakanan burung gawi.
"Are ampun maaf ih aku dengam oloh tatau! Aku jadi terai hindai gawi kukau" kua manumbah kuan Gober te kea.
"Narai?" Kuan Gober denga.
"maaf ih Zigzag jadi pansiun" kuan oloh bakas te sambil mandak lukap gantau akan usuk.
"Kareh aku mambayar ikau pire ih ikau balaku! Baya... tege syarat kea" kuan Gober denga.
Metuh katika ewen due bapander kute Donald balalu mukei buku sihir hindai. Iye handak nanture aran oloh beken je tau manyihir kea.
"Amun manumun hong buku sihir toh. Tege hindai penyihir je beken ampi je tau mampakalah bawi Nyaring te" kuan Donald sambil mukei buku jite.
"Toh iye buku je gaukuh je jadi nihau banyelo-nyelo toh jadi" kuan Zigzag balalu mandua nanture buku te kea.
"Hei!" Kuan Donald denga.
"Aku jadi tahi nihau kontak dengan kare kawalkuh! Hapa buku jituh aku tau hasupa dengan ewen hindai" kuan zigzag denga te.
"Baya ikau harus mandohop mamakuh helo haru ikau tau tempun buku jituh" kuan Donald balalu rampas buku jite bara lenge Zigzag hindai.
"Iyoh bei! Baya hong kueh aku tau supa dengan bawi Nyaring te?" Kuan Zigzag dengan ewen hindai.
"Dhuaarr" hasep langsung hete.
"Ikau je handak hasupa dengangkuh?" Kuan bawi Nyaring dengan ewen te balalu manalih Gober te tuntang mukut kantong baju.
"Akhir jadi tahi aku mentai katika kilau toh! akhir duit amas jite aku kea tempu!" Kuan bawi Nyaring sambil mukut kare kantong pakaian Gober te.
"Lekak lengem oloh bawi?" Kuan Zigzag dengan bawi Nyaring te.
"Ikau palawak bara kueh ngko?" Kuan bawi Nyaring denga sambil mukut kantong Gober je jadi kana hipnotis gawi.
"Aku toh je bagare ara Zigzag! Penyihir je paling hebat hong penda andau toh. Aku masih maampun ikau! Buli ih ikau ela mangaraen tuan Gober hindai gawim sampai ije nyelo" kuan Zigzag balalu mangkat lenge mampalua sihir akan bawi Nyaring te.
"wuutt!"
Dia sampet kare narai-narai bawi Nyaring re balalu tambalang due telo depe kana riwut sihir te.
"Ide je bahalap tutu... sakalinya ewen akan hetoh manangguh ongko jituh... amun kutuh keleh aku buli akan parak kayu ih hindai" kuan bawi Nyaring te marak purung-parang tanjung ie manalih papas tarawang balalu tarawang dia katawan pandari hindai.
"Tontonan je bahalap tutu! Eh! Taukah aku minjam telepon ayum hanjulu bue?" Kuan Donald je nampayah tege telepon hong huma Zigzag te.
"Takkan bei! Teleponkuh tege hong hila dapur huma kanih" kuan Zigzag sambil maninjuk akae, balalu Donald manalih akan dapur je ninjuk Zigzag akae.
"Buhen bue je baya mangahana bawi Nyaring manderuh aku ije nyelo ih?" kuan Gober hindai dengan Zigzag hindai.
"Haraf ikau maklum ih, aku je jadi bakas toh diya mungkin tau manyuhu bawi Nyaring te kejau bara ikau sampai jeha" kuan Zigzag denga.
"Iyoh ih ara amun kute. Lapas ije nyelo bara bawi Nyaring te jadi bahalap ih! Limbah Donald jadi nelpon te ikei handak permisi buli ih" kuan Gober dengan Zigzag.
Metuh katika te Donald nalepon akan bawi Ketik mansanan ampin hasil gawi ewen te. Limbah jadi lepah uras gawi ewen hong hete balalu ewen te buli akan kota Itik hindai.
ⓓⓞⓝⓐⓛⓑⓔⓑⓔⓚ
Singkat sarita ewen jadi sampai hong bandara kota Itik te. Ewen balalu manyambung jalana hapa mobil Donal je maram hindai.
"Panjalanan je sukses ha'i! Tuntang taluh awang toh uras gawi jasa ayum kea ken. Aku kagum kea dengam gawi ikau tarus tege ide je bahalap hayak tau manduan inisiatif bara panyulak" kuan Gober je munduk balikat Donald je kanjera manyopir mobil te.
Diya lalau tahi ewen balalu sampai akan gudang Duit Gober te. Metuh katika te kanjera ewen gerombolan Seberat manelak dinding balikat gedung te pas tandipah ruang duit ayun Gober te. Duit are amas bahampur balua ewen gerombolan Seberat hapa Loging munda kare amas hayak duit te.
"Jeiii" kuan tambawai Gober nampayah kute.
"Jadi ih itah pesta hetuh itah buhau ih hindai bara hetuh" kuan komandan ewen Seberat te dengan kare anak buah te. Mahining kuan komandan ewen je kute ancap ih kare biti kanjengkisu lumpat akan hong trak te, tuntang Trak te balalu batulak kea.
"Hey" kuan ije biti kawal ewen te.
"Nunggu aku" kuan ije biti kawal ewen je sambil hadari mimbit ije katetek amas bara hong gudang te. Untung Trak ewen te masih hindai lalau laju jadi masih sampet iye lumpat mandai tuntang dia ie mimbit amas te pelai bentuk karatak ih.
"Tahan akan pire-pire nyelo itah kuman duit toh! Kuman belom ih itah toh hindai" kuan Komanadan ewen je munduk hong tuyuk duit dengan amas je kuntep trak loging te.
Metuh te ewen Donald jadi sampai hapa mobil je maram te. Gober ancap balua bara mobil te hadari akan gudang hete. Nanture duit je bahambur kanih-kate tuntang satpam ije gin jatun intu hete. Balalu iye manalih bawi Ketik re misek.
"Narai mawi je sampai kalutuh bawi ketik! Kueh kare satpam itah hetoh bahut?" Kua misek dengan sekretaris te.
"Maka ewen nah uras jadi kana paterai ngui... ngui..." kuan bawiketik sambil manangis.
"Narai!?" Kuan Gober misek.
"Narai atie kuangkuh pa? Donald nalepon pire-pire jam je helo manyuhu aku mampaterai ewen satpam uras" kuan bawiketik mansanan sabab akan Gober te. Mahining je kute Gober balalu mules manalih Donald je masih hong mobil jalana handak buli akan huma.
"Buhen ikau manalepon manyuhu bawiketik mampaterai kare satpamkuh Nald!?" Kuan Gober sangit tutu dengan Donald sinde te.
"Awi lalau kalarang mama mangajih ewen te! Jadi aku bapikir masi mandohop mama balalu nelponkuh bawiketik mangat mampaterai ewen uras. Kueh hindai bawinyaring diya manderuh mama hindai jadi." Kuan Donald mamander ampin ide ayu je jite.
"Lalau kaharim kea ikau toh Nald" kuan Gober denga.
"Mama kea hamauh, mama marega tutu ide tuntang inisiatifkuh" kuan Donald santai ih.
Balalu Gober mules manyumput batang amas je je tapelai gawi Seberat melai bentuk karatak te.
"Toh! Aku je tege hindai" kua sambil manyumput amas te.
"Narai maksud mama? Akan narai batang amas jikau ma!?" Kuan Donald je nanture mama Gober ruat-ruat ampi mimbit batang amas te. Ancap Donald balua bara mobil mangejau bara Gober.
"Aku handak mahapa hapa mancatok ontek undang ayum kau"kuan Gober giri-giri hadari manyasah Donald sambil mimbit tetek batang amas te. Nanture mama je sangit kute ancap Donald hadari sambil hamauh.
"Ciri khas mama amun jadi galau je kalutu" kuan Donald sambil hadari. Kwik, Kwek, Kwak tuntang Bawiketik balalu tatawe.
"Hahahaha"
Kuan ewen nantawe ewen due je hasasah te.
=LEPAH=
"ela lalau laju manduan keputusan keleh itah hapompong helo manduan kahalap"
Kare aran oloh hong sarita
Gober.
Donald
Bawinyaring
Bawiketik
Kwik
Kwek
Kwak
Zigzag
Siberat cs
Satpam.
Inulis haluli awi.
Anonim.
Sumber sarita
Walt Dinep's
Donal Bebek
Nomor. 731
Baredar Oktober, 1995
Inaheta gawi
Betang Huma Itah.
0 Pendapat:
Posting Komentar
Dohop Nulis Komentar Hapa Kutak Itah.
Tarima Kasih.