Tiap biti itah pasti tege masalah je naharep hong pambelom toh. Baya itah harus yakin hong naharep narai bewei masalah hong pambelom itah. Hatalla diya Ie manenga masalah akan itah je ngalabien bara kekuatan itah kea.
Bara kare masalah te Hatalla majar itah mangat pintar harati hong naharep pambelom toh. Ela sampai marima sala dengan kare masalah balalu ngangkira Hatalla lapas lenge tuntang nantalua itah pikiran je kalute baya manambah kapusang balalu dumah kare panyakit kadian kakulas hong naharep pambelom hindai.
Balajar ih manggau manguan jalan je bahalap mangat olih balua bara masalah je naharep arep te, tuntang harus rima je kueh je bahalap akan itah je kueh je diya bahalap akan itah.
Balajar kea mamusit masalah je naharep dengan atei je tenang marima. Awie amun atei itah tenang pikiran itah pasti bahalap kea, kutak pander je balua labih bajenta hindai.
Awie te ela itah buhau bara masalah balajar ih naharep, mamusit masalah hapa atei je tenang, awie masalah te nah je mawi pambelom itah toh labih barega.
Pahari samandia'i:
Itah belom hong kalunen toh uras balajar. Jatun atie je halajur tau itah mangua hong kalunen toh. Awie itah balajar te nah ela mahamen misek tuntang ela mikeh sala.
Salam tabe.
0 Pendapat:
Posting Komentar
Dohop Nulis Komentar Hapa Kutak Itah.
Tarima Kasih.