Ampin Rima

Pahari samandi'ai...
Ela manggau lauk hong danum je ampi jenih katining, gawi hong hete jatun ati je lauk je tau belom. Ela manuntut kesempurnaan dengan kare kawal, gawi amun ikau manggau kawal je sempurna maka ikau jatun atie kawal hong kalunen.

Rima: Amun danum lalau katining maka jatun ati lauk je tau belom hong hete. Lalau ware tuntutan dengan oloh beken, maka ikau akhir jatun ati kawal hong kalunen toh.

Hong bentuk andau endau ikei dengan kawalankuh mihup mangopi sambil manganan kantuk gawi tege oloh je penting akangku oloh je nunggu te. Sambil mangopi due biti kawalku te bapander nahiu ampin kare gawian, hong pander ikei te tege ije biti kawal ikei mangeluh.

"Wayah toh aku ture sasar bahali manggau oloh je bagawi je puna tonoh hayak bahalap gawi. Ware oloh wayah toh gitangkuh isut katau bagawi dia tonoh hayak kurang bahalap gawi tuntang purah peda bagawi" kua mambuka tahiu je jadi pengusaha te.

Mahining je kalute kawal ikei ije beken balalu tumbah je kua te.

" amun mata baya nanture kasalan hayak kanahapas ampin oloh beken, maka ikau sama kilau sarangan rutik te ih (bak sampah). Amun ikau tau nampayah kahalap tuntang kalabien oloh beken maka ikau sama kilau pati je eka mangumpul kare panatau" kua je sama pengusaha kea mangerendeng kawal ikei je mangeluh te.

Bara kutak ewen due te aku je umba mahining hete bapikir. Belom hong kalunen toh eweh je dia puji gawi sala? Aluh kilen ampi kajenta dengan oloh beken, baya kilen ampi itah naharep kasala hayak katapas oloh beken hete eka masalah dia kare hong oloh. Tapi ware pemimpin je dia paham prinsif jituh, mawi ware manarik tenaga bara luar padahal hong hetuh masih are je luntang-lantung jatunti gawi. Arep tempun petak danum tapi oloh tempun kare panatau, ela manyala je tempun petak danum amun dumah mangayau jite gawi kegagalan pemimpin hong naharep katapas hayak kataun ikei je luntang-lantung toh.

Inulis Awie: Sansana Sarita