Huma Betang

Huma Betang batongket panjang.
Bahejan tunggal balampat uju.
Amun itah tege umur panjang.
Tau itah hasupa hature bau.

Hong huma Betang are pusaka.
Kare mandau lunju tuntang penyang kea.
Jatunti are petehku akan tunda kula.
Baya Isenmulang kute kuangku kea.

Huma Betang je puna panjang.
Hayak tege basengok genep ruangan.
Harus itah tau bapikir panjang.
Hayak harati manarima kare hinaan.

Patung Sapundu melai baun Betang.
Hapa manolak sial kawe je dia gitan.
Cangkal bagawi amun handak sanang.
Kutelah pedoman oloh huran.

Naharep pambelom je huma Betang.
Mangat naharep kea tuah rajaki dumah.
Ela santar tatawe hetang.
Gawi kabang tangis jite kareh.

Melai batunggang je baukir bapahat.
Oloh bawi bahalap je mentang anak.
Budaya itah ela sampai dia bingat.
Belom bahadat kutelah tingak.

Naharep sungei hetelah eka.
Huma Betang je panjang hai.
Ilmu je gantung puna are hong dunia.
Tapi sayang isut kalunen je mangerti.

Huma Betang are je jadi tapilih.
Hatantiring hapakat belom hong dunia.
Kutak je bahalap manjadi kasih
Gawi je bahalap manjadi cinta.

Akan oloh je haru maja.
Mandai tangga tunggal balampat ujuh.
Puna bahali amun je dia biasa.
Puna mangat akan je patuh.

Tahan banjir kutelah huma Betang.
Gawi bajihi gantung kejau bara danum.
Kutelah huran oloh marancang.
Manumun ampin keadaan alam.

*****

Ngarang Awie: Sansana Sarita