Kutak Itah

Jaka tawangku kamanis madu.
Akan dueku mewui dengan gula.
Jaka tawangku cinta ayum tanjaru.
Akan dueku narima bara tampara.

Puna mangat je danum.
Malaga. Mahi amun ihup hong pesta.
Atei eweh je dia kacewa.
Amun cinta ayum bagim akan ngaju-ngawa.

Huma Betang ukuran panjang.
Hayak gantung tuntang lebar.
Hambuen ikau nah sayang.
Benyem tunis sampai jatunti kabar akang.

Bara Kasongan akan Palangka.
Nangkalau helo Bukit Batu.
Bara aku manahan cinta.
Keleh aku mander akam tutu-tutu.

Bua Rimbang Bua Lepu.
Amun ikau sayang ela nanjaru aku.

Humbang Puring Humbang Tamiang.
Aku dia marimbang dengam toh sayang.

Kota Sampit Sungei Mentaya.
Eka hatejeb dengan Madura.
Amun puna ikau bujur cinta.
Maja misek aku akan huma.

Kota cantik Palangka Raya.
Kumpul kalunen bara ngaju-ngawa.
Amun puna kute kuam mangat percaya.
Andau toh kea aku maja akan huma.

Huma Hai Huma Betang.
Hong baun tege sapundu.
Hetelah ekaku melai sayang.
Maja bei ikau aku manunggu.

Uru Garigit Uru Silet.
Ewen sama belom hong petak.
Toh aku jadi nampara haguet.
Maja humam mangat jeleng mangutak.

Huma Betang Jihi gantung.
Tege pasah Patahu melai baun.
Aku manduk hunjun garantung.
Manunggu ikau sampai akan baun.

Batu Banama intu benteng Rungan.
Aku puna cinta dengam sayang.

Bukit Bondang melai Barito.
Eka kare balampah tuntang balaku.
Amun ikau je puna tutu.
Jatun ati kasala maja misek aku.

Batu Ayau melai ngaju.
Eka basumpah oloh helu.
Aku puna dia nanjaru.
Manduan ikau akan kabaliku.

Kambang Mawar kambang Henda.
Leha katahi ikau sampai huma.?

Bandara Cilik Riwut hong Palangka Raya.
Aku toh masih into Jakarta.

Mandau Lunju jadi nyadia.
Nyangkaku ikau jadi hong Palangka.

Bua terong bua pisang.
Buhen ikau taharu dengangkuh sayang.

Jatunti kare bua jatunti narai-narai.
Aku bajilek mahining tesau ayum kau.