Hong ije alem je kaput pijem tege epat Lilin je warna Bahandang, Bahenda, Biru dengan Baputi belom mampalawa hong hunjun ije kuburan, isut-isut Lilin ye lenyuh mahantis kinan Apui. Alem jite benyem tunis sampai tahining ewen te hamauh sama arep.
"Aku ie te kedamaian tapi kalunen dia sanggup mahaga aku gawi te aku mampatei arepkuh ih helo" kuan Lilin Je Baputi te balalu rangkah-rangkah ie mampelep arep.
Nanture je kute Lilin je Bahenda hamauh kea.
"Sayang aku dia kalunen mahapa hindai, kalunen are dia kasene aku jadi, jatun guna aku je banyala. Padahal aku toh Iman" kuan Lilin je warna Bahenda limbah ie jadi hamauh te dumah Riwut je kancang mampelep Lilin jite.
Nanture kute Lilin je Bahandang sedih due kawal uras mampelep arep jadi kurang balawa hindai hunjun kuburan alem te.
"Jatun guna kea aku tatap banyala amun kalunen manggap aku dia baguna kea, ewen malahan hakasingi tuntang hakaridu sama arep. Bahkan basingi dengan oloh je mencintai ewen, basingi dengan kare keluarga tuntang kare tunda-kula. Maka aku toh je bagare ara CINTA" kuan Lilin je Bahandang te hamauh kecewa dia manunggu kare Riwut hindai Lilin te mampelep arep kea.
Tisa ije warna Biru je masih banyala jatunti hamauh benyem tatap mampalawa hunjun kubur te alu baya kabuat je banyala hong hete. Metuh katika te sana dumah ije biti oloh bawi tabela je bahalap baju baputi salawar babilem balau je panjang sampai likut dumah akan kubur jite. Nanture telo batang lilin je belep te ie balalu mikeh tuntang hamauh. "Narai mawi ketun? Harus ketun toh tatap banyala. Aku mikeh amun je kaput pijem kutuh" kuan bawi te hamauh melai hunjun kuburan te sambil manangis gawi kurang balawa kuburan jite alem te.
Nanture je kute lilin je warna Biru te hamauh denga masi ture ampi je mikeh hong kakaput te.
"Ela mikeh, dusah kare manangis, selama aku masih tege belom tuntang banyala itah masih olih mempelum lilin je telo te hindai" kuan lilin je biru te denga.
Hanjak ampin bawi te balalu manyumput lilin je warna Biru te hapa mampelom lilin je beken hindai.
"Biar saribu lilin je beken hindai masih sanggup aku mampelom hindai" kuan lilin je warna biru te sambil tatawe denga mawi ie umba tatawe kea mahining kuan lilin te je akrab tutu denga.
Lilin je dia tau matei hong pambelom itah ie te lilin je warna 'biru'. Ela sampai kawan pahari nihau lilin je warna 'biru' te. Dia peduli kilen ampi bewei kalambat itah haguet salama itah dia tende harapan te masih tege. Lilin je warna biru jitelah je bagare ara lilin harapan.
Sarita jituh duankuh bara pengalaman hong alem paskah endate melai hujun kubur.
Inyarita Awie: Sansana Sarita
0 Pendapat:
Posting Komentar
Dohop Nulis Komentar Hapa Kutak Itah.
Tarima Kasih.