Hong ije pulau kayu tege ije batang kayu je belum subur hayak mamua labat. Metuh hong ije andau dumah ije kungan burung Tampulu tende melai edan kayu jite sambil hamau iye memuji nanture ampin kahalap batang kayu jite.
"Batang kayu je subur hayak bahalap tampayah tuntang mangat bua hindai" kuan Tampulu mamuji ampin batang kayu ije jite.
Mahining je kalute batang kayu jite manumbah.
"Takan bei ikau handak melai intu hetuh sambil kuman kare bua kuh toh" kuan batang kayu jite nawaran akan Tampulu te eka melai, balalu Tampulu te manampa saranga hong taruk kayu jite.
Hong pire-pire andau hindai dumah ije kungan burung Cuwit tende hong edan kayu jite kea tuntang balalu memuji ampin kahalap batang kayu jite hindai.
"Dawen kayu je bahijau, bua je manis menyak hayak mangat ewau" kuan Cuwit te hamauh sambil memuji iye.
"Amun ikau rajin angat kuma duan bei palepah akam" kuan batang Kayu te tumbah dengan Cuwit je sambil misap kambang bua te.
Hong beken andau hindai dumah ije kungan burung Balatuk akan kayu jite balalu tutuk-tutuk ie dengan kayu jite mawi batang kayu jite nangkariak kalaluk kapehean nutuk awi balatuk te. Mahining je kalute Balatuk balalu hamauh dengan kayu te.
"Aku nampayah intu hong bitim toh are uret aku manutuk akam mangat ewen balua bara bitim, amun dia haban ikau kareh kinan gawi uret bitim"
"Nanjarum kau, ikau pasti bahiri handak mampatei aku gawim kute ampi" kuan batang Kayu tumbah dengan Balatuk.
"Ancap buhau ih ikau bara hetuh" kuan batang kayu te musir Balatuk hindai.
Mahining je kute Balatuk balalu buhau tarawang malihi kayu jite manggau batang kayu beken hindai.
Laka ije Minggu limbah te batang kayu jite nampara haban, dawe nampara balayu bajatu akan petak pahayak te kea edan nampara balayu dia mamua hindai. Burung Tampulu hadari bara hete, burung Cuwit terai manyanyi dumah akan kayu jite. Makin andau keadaan makin uyuh kayu jite gawi kinan uret hong batang, sampai hong ije andau dumah hindai burung Balatuk je puji usir bara edan te huran. Barung Balatuk te balalu manutuk ie mangkuman uret je hong biti te dia katawan tangis tangkariak hindai gawi Balatuk sinde te sampai uret je hong biti batang kayu te lepah kinan burung Balatuk te.
Ije bulan limbah te kayu jite nampara bahijau hindai kare dawe, sampai wayah ie mamua hindai labih labat bara helu kare bua are hindai metu je beken dumah tingkep akan edan.
"Sakalinya ewen je manyanyi hayak mamuji itah hindai tentu jite je kawal itah, tapi je maku umba mamikir hayak hakun mansanan kekurangan itah tuntang balalu mandohop itah, jitelah je kawal itah je sabujur" kuan batang kayu te sadar kasala te.
Nah pahari.
"Kawal te mamukul akan maksud je bahalap tapi amun musuh te mamasut akan maksud je manipu budas"
"Oloh je gawi bahalap metuh itah hong kajayaan, jite hindai tentu hakun mandohop itah hong kasusahan"
"ayo itah nampara balajar nanture je kueh je bujur kawal je kueh je sekedar baya umba memamfaatkan itah"
Inyarita Awie: Sansana Sarita
0 Pendapat:
Posting Komentar
Dohop Nulis Komentar Hapa Kutak Itah.
Tarima Kasih.