Hong ije alem tege ije kabatang lilin je belom mampalawa kakaput hong kamar dengan ije kalikar obat nyamuk hapa mandari nyamuk. Hong hete ewen due hatukep balalu hakutak sama arep.
"Mangat ikau lin tau mampalawa kakaput toh" kuan Obat nyamuk denga.
"Mangat ikau kau obat nyamuk tau mandari kare nyamuk" kuan lilin.
"Tiap oloh sana nanture ikau langsung kasene oloh dengam, diya kilau aku diya oloh kasene" kuan obat nyamuk denga.
"Tutu ih je kuam kau baya amun aku jadi belep lepah haluli kaput ih jatun atie tisa hindai cahayakuh. Beken kilau ikau biar jadi belep tege masih tisa ewau muh hapa mandari kare nyamuk" kuan Lilin denga te.
Ewen due haluli benyem gawi tege ije biti oloh bawi dengan hatue tame akan kamar te.
"Patei ih ka lilin kau" kuan je bawi hamauh.
"Buhen ndi?" Kuan je hatue te.
"Bahali batiruh amun balawa, nauh ih obat nyamuk kau belom tarus sampai hanjewu" kuan je bawi te.
Ye balalu himun mampelep Lilin te balalu haluli kamar te kaput hindai, baya tisa obat nyamuk je masih belom hong hete. Kutelah ewen due je ije kabali te balalu batiruh.
Bara hete itah nampayah due sifat banda te je hakabeken.
Lilin amun iye belom purah oloh kasene. Lilin rela hancur mangat mampalawa hong kakaput. Lilin amun jadi belep haluli kaput hindai jatun tisa cahaya. Obat nyamuk amun iye belom diya lalau oloh katawa tau tacepak oloh amun sala uka. Obat nyamuk aluh jadi belep lepah ewau tuntang nyamuk masih mikeh manukep.
Ikas toh helo sarita renungan akan alem toh. Entah itah jadi Lilin atawa Obat Nyamuk jite uras bahalap akan pambelom itah manumun ampin kataun itah uras.
Inyarita Awie: Sansana Sarita
0 Pendapat:
Posting Komentar
Dohop Nulis Komentar Hapa Kutak Itah.
Tarima Kasih.