Metoh hong hamalem coba ikau nanture ampin baun ewen je batiruh mangat jatun atie ampi kare pikira. Into kueh ikau tau nanture ampin baun Indum, Bapam, andim, kakam tuntang tambim buem hayak kare kula jalahan tuntang kare kawalan. Nanture ih tuntang rima amun ewen te diya atie tau misik hingkat hindai.
Pahariku samandi'ai, ela itah balalu jadi akan kapaut kalahi awie hakabeken pendapat pandangan hong antara itah. Rima kare kamanis tuntang kapait hong kapakat itah je jari ije panjalanan pambelom je huru itah hong kasanang tuntang kasusah. Coba ih marima amun ije hong antara itah je batiruh diya ie misik hindai, itah balalu mangkeme kanihauan tuntang dumah kanyasal awie itah rancak mangalahi awie masalah taluh je diya lalau penting balalu akan jadi kapaut. Amun sampai jari kute rugi tutu manjalan pambelom manyasal gin jatunti guna hindai keleh nampara bara wayah toh itah mubah mangat itah labih bijaksana hong naharep kare masalah.
Hatalla diya Ie tau mubah nasib oloh beken, amun diya ie kabuat je mubah arep kabuat.
0 Pendapat:
Posting Komentar
Dohop Nulis Komentar Hapa Kutak Itah.
Tarima Kasih.